‘पूर्णबहादुरको सारङ्गी’ले अमेरिकामा कमायो ५ लाख डलर
प्रकाशित मिति: मंगलबार, मंसिर ०४, २०८१ | २०:४९:४७
चितवन, ०४ मंसिर । सर्वकालीन ब्लकबस्टर ‘पूर्णबहादुर सारङ्गी’ले डायस्पोरामा समेत उछाल कमाइ गरिरहेको छ । विजय बराल स्टारर फिल्मले अमेरिकामा एकपछि अर्को कीर्तिमान रचिरहेको छ ।
वितरण कम्पनी नेपाल इलेभेन इन्टरटेनमेन्टले अमेरिकामा प्रदर्शनको १० दिनसम्मको कलेक्सन सार्वजनिक गरेको छ । जसअनुसार फिल्मको कुल कलेक्सन ५ लाख डलर (करिब ६ करोड ७५ लाख रुपैयाँ) छ । नोभेम्बर ८ मा रिलिज भएको थियो ।
वितरक प्याट्रिक सुवेदीले २०० भन्दा धेरै शोबाट फिल्मले उक्त कमाइ गरिरहेको बताए । अहिले अमेरिकाभरका ६६ हलमा २०० हाराहारीको शोसहित प्रदर्शनरत छ ।
प्रकाशित मिति : मंगलबार, मंसिर ०४, २०८१ |
२०:४९:४७
793
