गौशालामा मृत भेटिएकी युवतीको हत्या भएको आशंका, सँगै बसेका युवक फरार
प्रकाशित मिति: बिहिबार, पौष १९, २०८१ | १३:३१:५५
चितवन, १८ पुस । काठमाडौंको पिंगलास्थानस्थित एउटा होटेलमा युवती मृत भेटिएकी छन् । बौद्धमा बस्दै आएकी सुस्मिता खड्का मृत भेटिएकी हुन् ।
प्रहरीका अनुसार, २२ वर्षीया खड्का बुधबार (हिजो) साँझ पिंगलास्थानस्थित वाग्मती होटेलको ३०८ नम्बर कोठामा मृत फेला परेकी हुन् । बाहिरबाट कोठा बन्द गरिएको अवस्थामा उनको शव फेला परेको हो ।
सुस्मितासँग कोठामा उनका केटा साथी समेत बसेको प्रहरीको अनुसन्धानका क्रममा खुलेको छ । मृत्युपछि भने ती युवक चाबी लगाएर भागेको देखिएको प्रहरीले जनाएको छ ।
सुस्मिता जापान जाने तयारीमा थिइन् । उनी केही दिनअघि मात्र जापानबाट नै नेपाल फर्किएका युवकसँग कोठामा बस्न पुगेको खुलेको छ ।
फरार युवकको जापान फर्कने मिति बिहीबार (आज) देखिएको छ । प्रहरीले उनको खोजी थालेको छ ।
प्रकाशित मिति : बिहिबार, पौष १९, २०८१ |
१३:३१:५५
1453
