महिलाको हत्या गरी फरार भएका व्यक्ति पक्राउ
प्रकाशित मिति: बुधबार, बैशाख ३१, २०८२ | १६:२८:४७
चितवन, ३१ बैशाख । नुवाकोटको सूर्यगढी नगरपालिका–१ की २८ वर्षीया विमला तामाङको हत्या गरी फरार भएका धादिङका गल्छी गाउँपालिकाका ४० वर्षीय रामचन्द्र पन्त पक्राउ परेका छन् ।
गत चैत २९ गते काठमाडौँ महानगरपालिका–२८ स्थित एक गेष्ट हाउसमा मृत फेला परेकी तामाङको हत्या गरी फरार भएका पन्त भारतबाट काठमाडौँ फर्कंदै गर्दा काठमाडौँको नागढुङ्गाबाट पक्राउ परेका जिल्ला प्रहरी परिसर काठमाडौँले जनाएको छ ।
मङ्गलबार पक्राउ परेका हत्या आरोपी पन्तलाई प्रहरीले आज सार्वजनिक गरेको हो । प्रहरीले निजमाथि थप अनुसन्धान गरिरहेको छ ।
प्रकाशित मिति : बुधबार, बैशाख ३१, २०८२ |
१६:२८:४७
2685
सम्बन्धित समाचार
समाबेसी ट्रेन्डिङ
