पाल्पामा ट्याक्टर पल्टिँदा चालकको मृत्यु
प्रकाशित मिति: सोमबार, चैत्र २३, २०८२ | १५:४४:२७
चितवन, २३ चैत्र । पाल्पाको रामपुर नगरपालिका–३ गैँडुनमा बारी जोत्ने क्रममा ट्याक्टर पल्टिँदा चालकको ज्यान गएको छ।
जिल्ला प्रहरी कार्यालय पाल्पाका अनुसार लु ३ त ७२५ नम्बरको ट्याक्टर दुर्घटनामा रामपुर–४ बाङ्गेपसल निवासी ४२ वर्षीय टेकबहादुर आलेको मृत्यु भएको हो।
स्थानीय दुर्गबहादुर मल्ल ठकुरीको बारी जोत्ने क्रममा ट्याक्टर घुमाउँदा अनियन्त्रित भई पल्टिएको थियो। दुर्घटनापछि ट्याक्टरले च्यापिँदा चालक आलेको घटनास्थलमै मृत्यु भएको प्रहरीले जनाएको छ।
घटनाबारे थप अनुसन्धान भइरहेको र आवश्यक प्रक्रिया अघि बढाइएको प्रहरीले जानकारी दिएको छ।
प्रकाशित मिति : सोमबार, चैत्र २३, २०८२ |
१५:४४:२७
3213
