सुनसरीको देवानगञ्जमा २२२० ट्याब्लेट ट्रामाडोल बरामद, फरार व्यक्तिको खोजी जारी
प्रकाशित मिति: आइतबार, पौष १३, २०८२ | १६:५१:३६
चितवन, १३ पुष । सुनसरीको देवानगञ्ज गाउँपालिका-२ कबरिस्तानबाट २२२० ट्याब्लेट ट्रामाडोल बरामद भएको छ। इलाका प्रहरी कार्यालय देवानगञ्जबाट खटिएको प्रहरी टोलीले शनिबार साँझ ट्रामाडोल बरामद गरेको हो।
लागुऔषध ट्रामाडोल ल्याउने व्यक्ति भने फरार रहेका छन्। भारतबाट नेपालतर्फ आउँदै गरेको नम्बर नखुलेको मोटरसाइकलमा सवार व्यक्तिले प्रहरीलाई देखेपछि झोला फालेर फरार भएका थिए। प्रहरीले झोलामा खानतलास गर्दा ट्रामाडोल बरामद भएको हो।
फरार भएका व्यक्तिको खोजी कार्य जारी रहेको प्रहरीले जनाएको छ।
प्रकाशित मिति : आइतबार, पौष १३, २०८२ |
१६:५१:३६
1123
